تلخيص درس الإستعداد لرمضان...............مهم

السلام عليكم


اذا كنت تقرأ هذا الموضوع الآن ...
فقل الحمد لله ...فربما أعطاك الله فرصة لفتح صفحة جديدة معه..

فإياك أنت تفرط فى الفرصة ...

عناصر الموضوع :
1- كله بيستعد ... وإنت ؟!!
2-رمضان أكبر صفقة فى عمرك
3-بم ستخرج من رمضان
4-أحداث رهيبه بعد أيام
5-أوعى تستنى واحد رمضان
6- إبدأ من دلوقتى
7-جدول رمضاني متكامل إن شاء الله

والله أسأل... إن نكون ممن يستمعون القول فيتبعون أحسنه

_بسم الله الرحمن الرحيم

1- كله بيستعد ... وإنت؟؟!:

مش شامم حاجة ...أوعى تكون مش شامم ...
مش شامم ريحة الجنة ...مش شامم ريحة رمضان ...
رمضان خلاص بعد أيام قليلة جدا ...

هل استعددت لرمضان ؟؟!؟

كل شئ استعد لرمضان ...فى احتفال كونى مهيب مستنى رمضان ...
حتى الشياطين وأهل الباطل استعدوا لرمضان ...

كل القنوات أعددت خطتها المحكمة لرمضان علشان متلحقش تخلص مسلسل يسلمك لمسلسل ففزورة ففيلم فبرنامج ..

حتى الشياطين بتستعد ...

كلكوا عارفين إن الشياطين بتصفد (أى تحبس فى سلاسل) في رمضان...

هل تتخيل إن الشيطان ده اللى تعب معاك 11شهر بيبعدك عن ربنا هيسيبك كده بسهولة ترجع لربنا فى رمضان ده بدأ يستعدلك من فترة :
1- خلى الناس تستعد لرمضان بالأكل والشرب وقمرالدين والكنافة وغيرهم بدل ميستعدوا بالعبادات والطاعات ..
2- ممكن تقرأ شوية قرآن مثلا قبل المغرب لانها بتبقى فترة شبه فاضيه __ هيسيبك ___عمل دورارت رمضانية للكورة أهو شوية يلعبوا واللي مبيلعبش يتفرج ..
3- بعد المغرب تروح للتراويح __هيسيبك __عملك فوازير ومسلسلات وغيرها كتير
4- وبليل بقى التهجد وقيام الليل –عملك خيمه (خيبة)رمضانية علشان ميسبلكش أى وقت تبقى فاضى فيه لعبادة ربنا

ده كان استعداد الشيطان العام لكل الناس ...أما استعداده اللى هيكون خاص بيك بس فده إنه بيحاول يوقعك في معاصي طويلة المفعول ..

يعنى مثلا : تيجى قبل رمضان وتقع فى مشكلة مع حد من عيلتك أو من أصحابك أو تتعرف على واحده او غيرها من الحاجات اللى هيسيبك فى رمضان وهو مطمن انك لايمكن ابدا تفوق منها لغاية لما يرجعلك بعد رمضان .

2-رمضان أكبر صفقة فى عمرك :
رمضان أكبر صفقه فى حياتك ...إنت حاسس إن هيبقى بينك وبين الجنة شهر واحد

لو اجتهدت فيه ممكن فى آخرة تكتب من أهل الجنه- إن شاء الله-.

إيه اللى ممكن تأخده من رمضان :

1- ممكن في رمضان تفتح صفحة جديدة مع الله:

في أول يوم من رمضان بتترفع ثلاثة شعارات :
-من صام رمضان إيمانا واحتسابا غفر له ماتقدم من ذنبه
-من قام رمضان إيمانا واحتسابا غفر له ماتقدم من ذنبه
-من قام ليلة القدر إيمانا واحتسابا غفر له ماتقدم من ذنبه

فهى فرصة عظيمة لمغفرة ما قدمت من الذنوب

2 - دخول مقام مراقبة الله لقلبك :

فيكون الأكل والشرب أمامك ولكنك لاتاكل ولا تشرب لانك تعلم ان الله يراك فتكتسب مقام مراقبة الله فى أعمالك ..

3-اكتساب التقوى:
{يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ }البقرة183
فمقامات الدين أربع : 1-الإسلام 2- الإيمان 3- الإحسان 4- التقوى.
فرمضان : -يعودك على الصيام فتصوم بعد رمضان - إن شاء الله-.
- تعود على قيام الليل فلا تتركه بعد رمضان - إن شاء الله-.
- تعود على الزهد فى الأكل والشرب .
- تعود على فعل الخير والشعور بالفقراء والصدقة .
- تعود على قراءة القرآن فيكون ملازما لك بعد رمضان - إن شاء الله-.

4-تسديد الديون :
فكم اقترفت من الذنوب وكم تحمل فوق ظهرك من الآثام والمعاصي ما الله به عليم فرمضان هو موسم التوبة واكتساب الحسنات إن الحسنات يذهبن السيئات فكن حريصا على أن تخرج من رمضان بأكبر قدر من الحسنات.

قال رسول الله (صلى الله عليه وسلم ):رغم أنف رجل دخل عليه رمضان ثم انسلخ ( أي انتهى) قبل أن يغفر له.

5- إصلاح القلب :
فإن كنت ممن تابوا الى الله ثم تأثرت قلوبهم بفتن الدنيا فهذه فرصتك لتصلح قلبك .

6-تقوية أساس الدين :
قال رسول الله (صلى الله عليه وسلم ):بني الإسلام على خمس : شهادة أن لا إله إلا الله و أن محمدا رسول الله و إقام الصلاة و إيتاء الزكاة و حج البيت و صوم رمضان . ‌

فالصيام من أسس الدين فبصيامك يقوى دينك...كما أن بقراءة القران يزداد يقينك فى الشهادتين ...وبحفاظك على الصلاة تمتن أساس الصلاه ..
فيزداد اسلامك قوة - إن شاء الله-.

2- يفرح الله بك و تفرح أنت :
قال رسول الله (صلى الله عليه وسلم ):إن الله تعالى يقول : إن الصوم لي و أنا أجزي به إن للصائم فرحتين : إذا أفطر فرح و إذا لقي الله تعالى فجزاه فرح و الذي نفس محمد بيده لخلوف فم الصائم أطيب عند الله من ريح المسك . ‌

وخلوف فم الصائم أطيب عند الله من ريح المسك : لحبة للصوم وللصائم .

3-بم ستخرج من رمضان :


حتى نخرج من رمضان بأكبر كم ممكن من الحسنات لازم نوسع مفهوم الصيام فميكنش الصيام فقط صيام عن الطعام لكن صيام عن كل ماهو حرام .

- فرمضان زي مستشفى مزودة بأحدث الأجهزة وفيها مريض...لو المريض ده مخدش الدواء هل المستشفى هتنفعه ..
- ورمضان زي مدرسة نموذجية فيها أفضل مدرسين فى العالم...لو الطالب مذهبش للمدرسة هل ممكن المدرسة تعلمه حاجه ..

فالخيار ليك :
- إما تقضى رمضانك في دورات رمضانية وخيمات ليلية ومسلسلات وفوازير ...ووقتها هتخرج من رمضان زى ما دخلت .
- وإما تقضى رمضان فى تهجد وقيام وقرآن واعتكاف وعمرة أخر رمضان وجلسات ضحى
ووقتها هتخرج من رمضان إن شاء الله برحمة ومغفرة وقرب من الله وتقوى فى قلبك وغيرها كتير .

عايز تعرف الصحابة كانوا بيتعاملوا إزاي مع رمضان :

-قبل رمضان ب6شهور بيدعوا ربنا يبلغهم رمضان
وبعد رمضان ب6شهور بيدعوا ربنا يتقبل منهم رمضان
- 2من الصحابة أسلموا في نفس الوقت :
واحد منهم مات شهيد بعد فترة بسيطة من اسلامه
والتانى عاش فترة ومات على فراشة
فرأى أحد الصحابة رؤيا للصحابي االثانى يفتح له باب الجنة ويدخل وبعد فترة فتح الباب للأول
فتعجب الصحابة كيف يسبق ذلك الرجل ذاك الذي مات شهيدا

فذهبوا إلى رسول فقال لهم من أى شئ تعجبون ألم يشهد رمضان بعده!

4-أحداث رهيبه بعد أيام :

قال رسول الله (صلى الله عليه وسلم ):إذا دخل شهر رمضان فتحت أبواب الجنة و غلقت أبواب جهنم و سلسلت الشياطين . ‌
وقال:إذا كان أول ليلة من شهر رمضان صفدت الشياطين و مردة الجن و غلقت أبواب النار فلم يفتح منها باب و فتحت أبواب الجنة فلم يغلق منها باب و ينادي مناد كل ليلة : يا باغي الخير أقبل و يا باغي الشر أقصر و لله عتقاء من النار و ذلك كل ليلة . ‌

1- تصفد( أى تسلسل فى سلاسل) الشياطين من الجن :
ويبقى أعوانهم من الإنس ...فأوعى تروحلهم برجليك
ربنا كفاك شر شياطين الجن ...وإنت تروح لشياطين الإنس فى التليفزيون وأصدقاء السوء وغيرهم ...فنجى نفسك إنت من شياطين الإنس .

2-تفتح أبواب الجنة فلا يغلق منها باب:
فاستعد للاجتهاد فى هذا الشهر وشوف بقى على آخر رمضان هتلحق كام باب .

3- ولله في كل ليلة عتقاء من النار :
فاحرص أن تكون منهم.

5-أوعى تستنى واحد رمضان :


احذر من الشيطان ...أوعى تسيبه يقولك عليك شهر طويل فارقد
زى مبيقول لكل واحد لما يصحى لقيام الليل عليك ليل طويل فارقد
وزى مبيقول لكل شاب ناوى يتوب عليك عمر طويل فارقد ..

لو قلت هبدأ من رمضان استعد ...هتبدأ كويس وبعد 3 أو 4 أيام هتبدأ ترجع تانى زى ما كنت.

يبقى لازم تسخن
ينفع لاعيب ينزل يلعب ماتش من غير ميسخن..طبعا لأ لإنه هيجيله شد عضلى

أهو رمضان كده لو دخلته من غير تسخين ..هتصاب بعد 3 أيام بالشد القلبي ..

6- إبدأ من دلوقتى :لازم


1- تستعد للموت :


فكام واحد هيموت قبل ميدخل رمضان ....ممكن تكون واحد منهم
ولو ربنا بلغك رمضان ...فاحمد ربنا ..

وكما تصلى صلاة مودع ...لازم تصوم صيام مودع وتعيش عيشة مودع

تخيل
إنك مت وربنا سمحلك بالرجوع فى شهر رمضان

شوف بقى هيكون صيامك ازاى وصلاتك ازاى...فلازم تتخيل ده طول رمضان

2- أوعى الحرامي يضحك عليك :
التلفزيون
ممكن تبقى عملت فى رمضان حسنات كبيرة جدا
بس كل يوم تتفرج على التليفزيون مرة ولا مرتين تتضيع حسنات اليوم

تخيل إن الحسنات فى كيس...والتليفزيون حرامي بيعمل ثقب فى كيس الحسنات تقع كل الحسنات ...فخلى بالك من الحرامي ...

3- جدد قلبك:
رمضان 30 يوم علشان تفضل ثابت فيه محتاج قلب كامل اللياقه...محتاج قلب ماراثوني

جهز قلبك من دلوقتى لحسن تدخل رمضان وتكتشف إن بطارية قلبك فاضيه

4-جدد التوبة :
حتى لاتحرم رمضان بذنوبك

وحتى لاتحرم ليلة القدر بذنوبك

وحتى لاتحرم العتق من النار بذنوبك ...فجدد توبتك الآن ...

فنتفق على

1-فى كام رمضان فات عليك مغيرتش فيه نفسك..لازم رمضان ده - إن شاء الله-.يبقى رمضان مختلف ..
2- لو ضاعت منك دقيقة واحدة فى رمضان هتخسر كتير جدا جدا
3-لازم تكتب على قلبك (وقف لله تعالى ) فمفيش أي حاجة تشغلك عن عبادتك

7-جدول رمضاني متكامل إن شاء الله:


- الجدول إن شاء الله متكامل

ممكن يكون عندك مايشغلك ومتقدرش تعمله كله
لكن على الأقل حاول أكبر قدر ممكن منه
وأوعى تخلى الكسل يمنعك من أن تكتب من أهل الجنة فى هذا الشهر

- لازم تبدأ فى تطبيق الجدول من دلوقتى
فلو بدأته من رمضان هتضييع أيام من رمضان فقط فى التعود عليه
وإن شاء الله ربنا يعينا كلنا على تنفيذ هذا الجدول والله المستعان .
الجدول هيبدأ من العصر وهيكون تركيزه الأكبر على القرآن - إن شاء الله-.


-من العصر للمغرب : هتكون فى المسجد من قبل الآذان تررد الآذان وتصلي السنة وبعدين تصلي العصر فى الصف الأول من تكبيرة الإحرام لإن إن شاء الله هتحافظ على تكبيرة الإحرام فى رمضان فى ال30 يوم .
قال رسول الله صلى الله عليه وسلم : من صلى لله أربعين يوما في جماعة يدرك التكبيرة الأولى كتب له براءتان : براءة من النار و براءة من النفاق(صحيح) . ‌
ففي رمضان تكون كملت 30 يوم ويتبقالك بس 10 أيام تكملهم إن شاء الله بعد رمضان
وتكون من الفائزين ببراءة من النار وبراءة من النفاق....بعد العصر هتقعد فى المسجد تقرأ الجزء الذي سيقرأ فى التراويح مع تكرار آيات الجنة والنار وعظمة الله وبكده وإنت بتصلى التراويح هتكون أكثر خشوعا وإحساسا بالآيات

- قبل المغرب بربع ساعة : هتروح المسجد و وتستغل الوقت المتبقى فى الدعاء فللصائم عند فطره دعوة مستجابة

-المغرب : هتفطر فى المسجد بتمرة أو كوب ماء والأفضل إنك تأخد معاك تمرات للناس اللي فى المسجد وبكده تأخد ثواب أفطار صائم قال رسول الله صلى الله عليه وسلم : من فطر صائما كان له مثل أجره غير أنه لا ينقص من أجر الصائم شيئا (صحيح) . ‌وتصلى المغرب فى المسجد فى الصف الأول من تكبيرة الإحرام .
-الافطار:تفطر بحيث تأكل ما يشبع ويعين على القيام دون أن يثقل جسمك فى الصلاة
مثل كوب عصير- بدلا من الماء- وسلطة وقطعتين لحم وأى نوع من الحلوى واحذر من الأرز والعيش والمكرونة لإنها ستثقلك فى الصلاة دون أن تعطيك الطاقة المطلوبة .

-بعد الإفطار : تتوجة مباشرة إلى المسجد فور إنتهائك من الإفطار وفى المسجد هتقرأ الجزء الذي سيقرأ فى التراويح مرة أخرى فى الفترة حتى إقامة العشاء .

-العشاء والتراويح: احرص على الصلاة فى مسجد يصلى بجزء فى اليوم على الأقل
وسترى أثر قراءتك للجزء قبل التراويح فبإذن الله لن تشعر بتعب فى الصلاة ولا ملل بل سيزداد فى الصلاة خشوعك واحساسك بالآيات إن شاء الله .

-بعد التراويح : تتوجه مباشرة للمنزل واياك من تضييع أى وقت بعد التراويح ...تأكل أكلة جيدة تعينك على التهجد ليلا وتنام وتستيقظ قبل الفجر بثلاث ساعات أو ساعتين على قدر استطاعتك وتصلى التهجد.

-التهجد: تصلى ما شئت من الركعات وليس المهم كمية القرآن المقروءة بل تخير أكثر السور تأثيرا فى نفسك (الزمر - ق-الحاقة –القيامة .....) وكرر الآيات عن الجنة والنار وعظمة الله وتذكر ليست الكمية ه% ____________