بالمعرفه طزين

مصير الحي يتلاقـى تجـي وأذكـرّك بعديـن
تذكر زيـن هالجملـه ولـك فائـق تحياتـي
على هونك أنا قلبي قسـى لاتجـرح السكيـن
ترى ماني على خبرك أشوف الناس في ذاتـي
ألف شكرًا على التجريح وبعتبرّه عليّـه ديـن
وأنـا لازم أسّـد الديـن بالكامـل ولاتحاتـي
بحاول قد ماأقـدر أرد الصـاع لـك صاعيـن
يجوز إنك بلحضتهـا تميّـز ويـش معناتـي
لزوم أعلمك منهـو أنـا ولا أنتـه المسكيـن
بسيطه وين دربك وين وأنـت بكـل وجهاتـي
لك الله لو تموت أبسئل الحانوت حطك ويـن!؟
بما معناه وين تروح وصـرت أهـم غاياتـي
عليّه نذر ماأضحك وفوق النذر حلـف يميـن
ألين إنك تجي خاضع تحت رجلـي لمرضاتـي
قسم لعطيك درس بيوم ماتنساه عشـر سنيـن
وأعيده لك بثاني يـوم أجـرب فيـك قدراتـي
أنا ماني قليّـل شـر والله ولا قصيـر يديـن
وإذا ودي أعديـهـا أعديـهـا بمشـهـاتـي
خطاي إني رفعتك فوق وأنت أبن الوحل والطين
كان المفروض من أول أراجع كـل حساباتـي
حسبتك الرفيق اللي على جور الزمـان يعيـن
وجيتك يوم ضاقت بي وخابـت كـل هقواتـي
ومدامك دست عشرتنا أجل بالمعرفـه طزيـن
وتبقى حيّ بين النـاس ولكـن مـت جواتـي
لعلمك بس وأستوعب مايرفع قدرك القرشيـن
أنـا رمـز الفقـر لكـن بأسيـادك علاقاتـي
ترى الرجال ماهو بكثرت أمواله عن الباقيـن
ولاهو بشعرتيـن الوجـه ولوطالـت شنباتـي
تعرف الرجل بأفعاله مثل السيف أبـو حديـن
بيعطي حق وياخذ حق وركـز فـي عباراتـي
ماعاب الفقر سيدنـا محمـد والغنـى بالديـن
كثيـر المـال مايغنـي إذا فقـري بحسناتـي
بكلامي معك كبرتك وأنا لـو أبتـرك نصفيـن
عليّ أهون ولاأوصخ بشخصك وجـه كلماتـي
حسافه ليتنـي ماجيـت أدوّر أقـرب الغاليـن
أجي هارب من أوجاعي وأطيح بيـد معاناتـي
ماعاد الصاحب الصاحب وكل الخلق في وجهين
حقيقـه شفتهـا بعينـي وتحكمهـا قناعاتـي
فعلنا الطيب فالأقرب والأقرب صار فعله شيـن
والأقبح عذره من ذنبـه إذا بيّنـت شرهاتـي
دمحنا ألف زله كلها من شـان خاطـر عيـن
عمى بالعين هـذي كانهـا ترضـى بإهاناتـي
إذا هالنـاس دجالـه أنـا دجلـت دجالـيـن
ودجالين هالدنيـا هـم أصحابـي وحبيباتـي
أبي العب على الحبلين وأرقصـك ع الحبليـن
وساعتها تبي تركع على أقدامـي وخطواتـي
لأنك أنت تعرفني وتعرف ويـش جابـر زيـن
وتعرف أني شخصيـه تطابـق كـل كتاباتـي

عفوا

مرور جميل

الكلمات طالعه من قلبي

الطير الجريح
========
كتبت فأبدعت

طرح اكثر من رائع وعبارات قويه

انتظر المزيد والمزيد

اخوك شريف
=======
=======

انت رجال عاجبني كتيرررررررررر كلمات قاسيه جدا بس على مجتمعنا وواقعنا فعلا مشكور اتمنى المزيد من ابداعك

صح السانك الطير الجريح

الله يعطيك العافيه

شريف

اسعدني حظووورك

هادي جابر

وانت بعد عاجبني

واتمني انو مافيه احد يمر بلي انا مريت بيه

العاشقه


نورتي الصفحه