انا الاستاهل ضرب ال........!!!!

عاوز حد يقولي مين القال اعمل الخير وارميه البحر علي العموم انا اصلا الغلطان في زمنا ده محدش يعمل خير في حد طبعا مستغربين طيب اسمع الحصلي اول امبارح وعلي فكره بجد مش هزار
كنت راجع وصديق لي من بورسعيد حوالي الساعه 11 مساء
رحنا بسيارتي انا علشان سيارته كانت عطلانه وكنا بنجيبلها قطع غيار
المهم ..........................
في منطقه علي الطريق الدولي للاسكندريه .....منطقه مقطوعه صحراء علي الجنبين رايت سياره جيب شيروكي واقفه ومشغله الانتظار و الكبوت الامامي مفتوح يعني السياره معطله فصعب عليا صاحب السياره
وهديت ولما قربت لقيت ان الواقف جنب السياره سيده منقبه
وشاورتلي بايدها لو سمحت انتظر .
يشهد عليا ربي ان ما وقفت الا لوجه الله وكمان اني تذكرت اختي وامي وقلت لو هما في مكانها هيعملو ايه؟
نزلت من سيارتي انا وصديقي وسالتها خير يا اختي
رفعت النقاب عن وجهها. وطبعا مطلعتش واحده اصلا
طلع واحد ولابس نقاب ومن خلف السياره الشيروكي طلع اتنين اخرين
وقالو لي ولصديقي هات مفتاح عربيتك والفلوس المعاكم والموبيلات
نظر لي صديقي وقالي ايه ؟ قلتله لا طبعا ... قالي تمام.....
وطحنا فيهم ضرب ولله الحمد الذي امدنا بالقوه اننا نبرحهم ضرب
والله عمري متخيلت اني ممكن اضرب حد كده بالطريقه دي لدرجة ان
سقطو الثلاثه علي الارض من كتر الضرب
خلعت حزام بنطلوني وربطهم وقلت لصديقي في نقطة مرور قدام
خد سيارتي وروح هات البوليس وانا هفضل هنا علشان ميهربوش
في ثواني كان صاحبي راجع بالشرطه ومسكوهم
ورحنا كلنا نقطة المرور علشان نقفل المحضر
تفتكرو يكون مكافاتي ايه علي العملته انا وصديقي؟؟؟؟؟؟؟؟؟؟؟؟؟؟؟؟
خمن...............................
خمسين جنيه




مخالفه علشان ارقام سيارتي مش واضحه كويس
الظابط ساب الحرامية والعربيه الكانت معاهم التضح انها مسروقه ساب كل ده وبص علي سيارتي لقي الارقام مفرغه من الداخل بس متحدده من الخارج
طيب اذا كان انا اصلا مستملها من المرور كده
يقولي كان المفروض تدهنها بنفسك
طيب الارقام واضحه والله العظيم طيب تعالي و وقفت علي بعد خسمين متر و الارقام باينه كويس
قالي علي بعد 200متر مش هتبان
قلتله علي بعد 200متر العربيه كلها مش هتبان
قالي معلش بردو هتدفع المخالفه
قلتله انت عندك حق انا الغلطان مكنش المفروض اصلا اقف لحد من الاول علي الطريق
ولو وقفت منكش المفروض اسلمهم كان المفروض اسبهم يهربو
انا الاستاهل ضرب ال...............

عارف فوكس فعلا مرات الواحد بعمل شي لا وجه الله تعالا وبلاقيه انقلب ضدو بس خلينا نرجع انفكر شوي عمل الخير لوجه ربنا موش لا العباد وهاد ربك عم يختبرك لا يشوف قوة ثباتك وصبرك وايمانك هدي اعصابك فوكس حبيبي ويارب تعيش وتاكل غيرها في خمسين جنيه تانيه هههههههههههههههههههه بهزر معك كل الخير الك فوكس